Select Menu

Matukio

Habari

Fasheni

Maisha

Teknolojia

Burudani

Siasa

Muziki Mpya

Epuka Ajali



Waziri wa Elimu na Mafunzo ya Ufundi Dkt. Shukuru Jumanne Kawambwa pamoja na viongozi wa elimu nchini watembelea Singapore kujifunza jinsi nchi hiyo ilivyofanya mageuzi makubwa katika mfumo wa elimu na mafunzo. Mfumo wa elimu wa nchi hiyo, unalenga kuendeleza wanafunzi katika kuwapatia stadi muhimu zinazohitajika kwa maendeleo ya nchi. Mfumo wa elimu wa nchi hiyo, umeweka mkazo zaidi katika kutoa mafunzo ya ufundi stadi ambayo yanatoa ujuzi kwa mhitimu kuweza kufanya kazi katika kada ya kati. Kwa Maelezo Zaidi Bofya Hapa >>>
-


JAMHURI YA MUUNGANO WA TANZANIA
WIZARA YA MAMBO YA NJE NA USHIRIKIANO WA KIMATAIFA


Coat of Arms
 

Simu: 255-22-2114615, 211906-12
Barua pepe: nje@nje.go.tz
Barua pepe: gcu@nje.go.tz

Nukushi: 255-22-2116600

              

 


                20 KIVUKONI FRONT,
                           P.O. BOX 9000,
                  11466 DAR ES SALAAM, 
                                    Tanzania.

 

TAARIFA KWA VYOMBO VYA HABARI
WATANZANIA WALIOKUWA AFRIKA KUSINI WAMEREJEA NYUMBANI
Kundi la Watanzania 26 limerejea nyumbani kutoka Afrika Kusini  leo tarehe 26 Aprili, 2015 kufuatia mashambulizi ya wazawa dhidi ya wageni.  Kundi hilo la kwanza kurejea nyumbani liliwasili katika Uwanja wa ndege wa Kimataifa wa Mwalimu Julius Nyerere saa 11 alfajiri na Ndege ya Fast Jet. 

Watanzania hao walikuwa wanaishi katika kambi za dharura za Isipingo na Phoenix zilizopo jijini Durban. Walisindikizwa kurudi nyumbani na  Afisa wa Ubalozi wa Tanzania nchini Afrika Kusini, Bw. Elibahati Lowassa. Zoezi la kuwarejesha wananchi hao lilisimamiwa na kuratibiwa na Ubalozi wa Tanzania nchini Afrika Kusini. 

Wakati huo huo, Ubalozi wa Tanzania nchini Afrika Kusini umepata taarifa kuwa kuna Watanzania wengine wapatao 20 wanaishi kwenye Kambi ya Hillbrough jijini Johannesburg. Ubalozi umetuma Afisa kwenda katika kambi hiyo ili kufanya uhakiki wa taarifa hizo kwa madhumuni ya kuwarejesha nyumbani Tanzania haraka iwezekanavyo.
MWISHO.

Imetolewa na:
Kitengo cha Mawasiliano ya Serikali kwa Umma,
Wizara ya Mambo ya Nje na Ushirikiano wa Kimataifa,
25 Aprili 2015
-

Ben PolVideo ilitengenezwa nyumbani kwao Dodoma ikiwa ni hit single kwenye Radio za Tanzania sasa hivi ambapo kwenye CloudsFM Top 20 imeshika nafasi ya pili wiki iliyopita kutoka nafasi ya tano ikiwa ni wiki yake ya saba tu toka iingie kwenye Countdown. Na Millardayo.com 

Tazama Video Hapa

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akihutubia wakati wa hafla ya Utoaji Tuzo za Umahiri wa Uandishi wa Habari, iliyofanyika usiku April 24, 2015 kwenye Ukumbi wa Mlimani City, jijini Dar es Salaam.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimkabidhi mfano wa Hundi ya Sh. Milion tatu na Laki Nane (M.3.8) mshindi wa jumla katika kinyang’anyiro cha Tuzo za Umahiri wa Uandishi wa Habari (EJAT), Mwandishi wa habari wa Gazeti la Mwananchi, Mkinga Mkinga, wakati wa hafla hiyo ya utoaji tuzo iliyofanyika kwenye Ukumbi wa Mlimani City, jijini Dar es Salaam, usiku Aprili 24, 2015. Kushoto ni Rais wa Baraza la Habari Tanzania, Jaji Mstaafu Robert Mihayo na Generali Ulimwengu.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimkabidhi mfano wa Hundi ya Sh. Milion tatu na Laki Nane (M.3.8) mshindi wa jumla katika kinyang’anyiro cha Tuzo za Umahiri wa Uandishi wa Habari (EJAT), Mwandishi wa habari wa Gazeti la Mwananchi, Mkinga Mkinga, wakati wa hafla hiyo ya utoaji tuzo iliyofanyika kwenye Ukumbi wa Mlimani City, jijini Dar es Salaam, usiku Aprili 24, 2015.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akihutubia wakati wa hafla ya Utoaji Tuzo za Umahiri wa Uandishi wa Habari, iliyofanyika usiku April 24, 2015 kwenye Ukumbi wa Mlimani City, jijini Dar es Salaam.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimkabidhi Tuzo mshindi wa pili wa jumla katika kinyang’anyiro cha Tuzo za Umahiri wa Uandishi wa Habari (EJAT), Mwandishi wa habari wa Gazeti la The Citizen, Lucas Liganga, wakati wa hafla hiyo ya utoaji tuzo iliyofanyika kwenye Ukumbi wa Mlimani City, jijini Dar es Salaam, usiku Aprili 24, 2015.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akihutubia wakati wa hafla ya Utoaji Tuzo za Umahiri wa Uandishi wa Habari, iliyofanyika usiku April 24, 2015 kwenye Ukumbi wa Mlimani City, jijini Dar es Salaam.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimkabidhi mfano wa Hundi ya Sh. Milioni kumi (M. 10) Mwandishi wa habari wa siku nyingi mkongwe, Generali Ulimwengu, wakati wa hafla hiyo ya utoaji tuzo iliyofanyika kwenye Ukumbi wa Mlimani City, jijini Dar es Salaam, usiku Aprili 24, 2015. Kushoto ni Rais wa Baraza la Habari Tanzania, Jaji Mstaafu Robert Mihayo na (kulia) ni Mke wa Generali Ulimwengu.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akihutubia wakati wa hafla ya Utoaji Tuzo za Umahiri wa Uandishi wa Habari, iliyofanyika usiku April 24, 2015 kwenye Ukumbi wa Mlimani City, jijini Dar es Salaam.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwa katika picha ya pamoja na wanahabari waliopata Tuzo za Umahiri wa Uandishi wa habari, zilizotolewa usiku Aprili 24, 2015 wakati wa hafla hiyo iliyofanyika kwenye Ukumbi wa Mlimani City, jijini Dar es Salaam.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwa katika picha ya pamoja na wanakamati wa maandalizi wa hafla hiyo baada ya kumalizika hafla hiyo kwenye Ukumbi wa Mlimani City, jijini Dar es Salaam usiku Aprili 24, 2015.
- -
Na Chalila Kibuda.

SERIKALI  imeitaka jamii kutumia vyandarua  kwa malengo yaliyokusudiwa na sio vyandarua hivyo vitumike kwa ajili ya kufugia Kuku au kuvulia Samaki.

Hayo yamesemwa leo katika viwanja vya Mnazi Mmoja jijini Dar es Salaam na Mkuu wa Mkoa wa Dar es Salaam, Said Meck Sadick wakati wa maadhimisho ya siku ya Malaria Duniani ambayo hufanyika Aprili 25 kila mwaka.

Sadick amesema wafadhili mbalimbali wamekuwa wakiweka nguvu katika kupambana na Malaria hivyo ni wajibu jamii kutumia Vyandarua hivyo kwa malengo yaliyokusudiwa kwani kufanya hivyo kutaongeza uzalishaji wa uchumi katika nchi kutokana na kuwa na afya iliyo bora.

Katika maadhimisho hayo Mkuu Mkoa huyo amezindua mpango wa ugawaji wa Vyandarua milioni 24 kwa nchi mzima ikiwa ni jitihada za Serikali na wadau mbalilmbali kupambana na ugonjwa wa Malaria.

Amesema tangu kuanza kampeni hiyo ya kupambana na Malaria utafiti unaonyesha Malaria imepungua kutoka asilimia 18 mwaka 2012 na kufikia asiliamia 10 mwaka huu ambapo kupungua huko kumekwenda sambamba na kupungua kwa vifo vya wajawazito pamoja na vifo vya watoto chini ya miaka mitano(5).

Sadick amesema Wizara ya Afya na Ustawi wa Jamii na Wizara ya Kazi zinatakiwa kuweka utaratibu kwa makampuni mbalimbali kupambana na Malaria na sio kuwa sehemu ya hiari kwani kufanya hivyo kutaongeza ufanisi katika makampuni pamoja na viwanda.
Wananchi wa Mkoa wa Dar es Salaam wakiwa katika matembezi ya Maadhimisho ya siku ya Malaria Duniani ambayo hufanyika Aprili 25 kila mwaka, yaliyoanzia katika viwanja vya Msasani na kuishia viwanja vya
Mnazi Mmoja jijini Dar es Salaam.
Mkuu wa Mkoa wa Dar es Salaam, Said Meck Sadick akikata utepe kuashiria uzinduzi wa ugawaji wa vyandarua katika maadhimisho ya siku ya Malaria Duniani yaliyofanyika katika viwanja vya Mnazi Mmoja, jijini Dar es Salaam .



Mkuu wa Mkoa wa Dar es Salaam, Said Meck Sadick akitoa hotuba yake katika maadhimisho ya siku ya Malaria Duniani katika viwanja vya Mnazi Mmoja, jijini Dar es Salaam.
Mtoto Noel Peter akiwa amelala kwenye kitanda kilichowekwa Chandarua ikiwa ni ishara ya kampeni ya kupambana na Malaria katika maadhimisho ya siku ya Malaria duniani yaliyofanyika leo katika viwanja vya Mnazi Mmoja, jijini Dar es Salaam.
Mwakilishi wa Shirika la maendeleo ya Watu wa Marekani (USAID),Ana Bodibo–Memba akizungumza na wananchi katika maadhimisho ya siku ya Malaria duniani katika viwanja vya Msasani Jijini Dar es Salaam.

Mkuu wa BG Tanzania,Stevenson Murray akizungumza na wananchi katika maadhimisho ya siku ya Malaria duniani katika viwanja vya Msasani Jijini Dar es Salaam.
Mkuu wa Mkoa wa Dar es Salaam,Said Meck Sadiki akipata maelezo kutoka kwa Mtafiti Mwandamizi wa Taasisi ya Afya ya Ifakara ,Dk.Ladslaus Mnyone katika maadhimisho ya siku ya Malaria duniani ambayo hufanyika kila mwaka Aprili 25 yaliyofanyika katika viwanja vya Mnazi Mmoja jijini Dar es Salaam.
- - -
Mbunge  wa Ludewa Deo Filikunjombe akishirikiana,viongozi wa CCM , wananchi na mafundi  wa mradi wa umeme kubeba nguzo za  umeme katika  kitongoji cha Ngalawale Ludewa kijijini kama  sehemu ya kuhamasisha wananchi kushiriki maendeleo
Mbunge Filikunjombe wa kwanza  kulia na katibu mwenezi wa CCM mkoa wa Njombe Honoratus Mgaya wa  kwanza  kulia wakishirikiana na mafundi wa maradi wa  umeme vijiji kuvuta kama kwa ajili ya kusimamisha nguzo ya  umeme
 mbunge Filikunjombe kulia  na diwani wa kata ya Ludewa Monica Mchilo wakifukia  nguzo ya  umeme
 wananchi na  mbunge  wakisaidiana kufukia nguzo ya  umeme
wananchi na mafundi wa  umeme  wakijiandaa kubeba  nguzo
mbunge Filikunjombe  akishiriki  kubeba  nguzo ya  umeme.
wananchi na  mbunge Filikunjombe wakiwa  wamebeba nguzo ya  umeme.
katibu  mwenezi wa CCM mkoa wa NJOMBE Honoratus Mgaya akichimba shimo la nguzo ya umeme
mbunge Filikunjombe akiwa  chini ya shimo akishiriki  kuchimba shimo la nguzo ya  umeme  kitongoji cha ngalawale  kijiji  cha ludewa wengine ni diwani wa kata ya  Ludewa MONICA MCHILO ,katibu mwenezi wa ccm mkoa wa Njombe Honoratus Mgaya na katibu mwenezi  wa CCM ludewa FELIX Haule  wakishirikiana na mbunge  wao
 mbunge Filikunjombe akitoka  katika  shimo baada ya  kumaliza  kuchimba  shimo  moja la mfano kama kuhamasisha wananchi kushiriki katika maendeleo 
........................................................................................................................................
Na MatukioDaima BLOG Ludewa
WANANCHI wa  Ngalawale kata ya Ludewa  wilaya  ya Ludewa  mkoani Njombe  wameelezwa kufurahishwa na jitihada  za  kimaendeleo  zinazofanywa na mbunge  wao Deo Filikunjombe na kukionya chama   cha  mapinduzi (CCM) katika wilaya   hiyo kutowaletea mgombea mwingine  wa ubunge  zaidi ya Filikunjombe.
Akizungumza kwa  niaba ya  wananchi wa  kata  hiyo ya Ludewa  diwani wa kata  hiyo Monica  Mchilo alisema   kuwa toka  jimbo  hilo la Ludewa kuanza kuwa na wabunge pamoja na  kuwa  kila mmoja ana jambo la  kukumbukwa ambalo amepata  kulifanya katika   jimbo hilo ila hakuna hata  mbunge  mmoja kati ya wabunge  zaidi ya  watano waliopata  kuongoza  Ludewa  ambae amepata kutekeleza ahadi zake hata robo ya ahadi  alizopata   kutoa.
Diwani Mchilo alitoa kauli   hiyo leo  wakati wa mkutano wa hadhara  wa mbunge Filikunjombe  kuwapongeza  wananchi  hao kwa kukamilisha uchimbaji  wa mashimo ya nguzo  za  umeme katika  kijiji  chao .
Alisema   kuwa wakati mbunge huyo  akiingia madarakani  mwaka 2010 moja kati ya ahadi yake ni kuhakikisha wananchi  wa  vijijini ambao  wapo pembezoni na mji  wa Ludewa  wanapatiwa  umeme na  kuwa kabla ya kumaliza  muda  wake wa ubunge tayari ahadi  hiyo  imetekelezeka na ahadi nyingine  nyingi alizopata  kuzitoa  kwa  wananchi  wa  jimbo   hilo.
Hivyo  alisema kuwa inapendeza  kuwa wana Ludewa  kuendelea kumpa muda zaidi mbunge  Filikunjombe  ili azidi  kuleta maendeleo zaidi katika  jimbo hilo badala ya kuendelea  kubadili   wabunge kila   wakati jambo  linalokwamisha maendeleo ya jimbo hilo na kuishia kuwapata   wabunge wasio na mapenzi mema na maendeleo ya wananchi.
'Ludewa  kwa  miaka  mingi   tumeteseka  kwa  kumkosa  mbunge  mwenye  uchungu  wa  maendeleo ya  wananchi  wa jimbo hilo ila  kwa mara  ya kwanza Mungu  ametupatia mbunge mwenye uchungu  wa kweli na maendeleo  yetu  hivyo lazima tumkumbatie azidi  kutawala daima'
Akielezea   kuhusu  miradi mbali mbali iliyofanyika katika  kata  yake alisema  kuwa awali umeme ulikuwepo mjini Ludewa  pekee  kwa  kipindi chote  toka  nchi ipate  uhuru  wake mwaka 1961 na  kuwa umeme  huo  aliuleta aliyekuwa  mbunge  wao stanley kolimba ambae  kwa  sasa ni mwenyekiti  wa CCM wilaya ila  kwa  kipindi cha Filikunjombe  vijiji  zaidi  vimeendelea  kupatiwa umeme na maendeleo mengine  mengi  ikiwemo  barabara ya lami Ludewa mjini.
Diwani  huyo aliwataka  wananchi  wa Ludewa kutoyumbishwa na wale wote wenye uchu wa madaraka ambao wapo kwa  maslahi yao  na badala yake  kubaki njia kuu kwa  kuendelea kuwa na mbunge  Filikunjombe kwa  kipindi kingine  zaidi.
'kwa  kuwa utaratibu wa  chama ni kutangaza uchaguzi wa  kura za maoni ila kama ingeruhusiwa tungezuia chama kutoa fomu kwa wagombea wengine wa ubunge ....lakini tunakuhakikishia wewe endelea kufanya maendeleo bila hofu kwani ni mbunge wetu wa 2015-2020 na zaidi hadi mwenyewe utakaposema basi sisi tupo na wewe'
Katibu  mwenezi  wa CCM mkoa  wa Njombe Honoratus Mgaya  alisema mbali ya kubahatika   kuwa katibu mwenezi  wa mkoa  wa Iringa uliokuwa na wilaya zaidi ya 6 na majimbo zaidi ya 10 hakupata  kuona  mbunge anayejituma  kama Filikunjombe na  kuwa mbali ya  ubunge  wake  kuwanufaisha wananchi  wa Ludewa ila bado amefanikiwa  kuutangaza  mkoa  wa Njombe na kuwa moja kati ya  wabunge wa mfano katika bunge.
Mgaya alisema  kama wabunge wote wa CCM wangeifanya kazi  ya  kuwatumikia  wananchi kama anavyofanya mbunge  huyo  wa Ludewa uwezekano wa  wapinzani kwenda bungeni ungekuwa mdogo  zaidi  na kuwa chuki ya wananchi dhidi ya CCM  ni  kutokana na baadhi ya wabunge ,madiwani na viongozi wengine wa umma kushindwa kuwajibika katika kuwatumikia wananchi .
Nae mbunge Filikunjombe akiwashukuru wananchi hao  alisema  kuwa moja kati ya ndoto  yake ni kuona wananchi  wa Ludewa wanaungana na watanzania wengine  katika kunufaika na uhuru wao kwa  kupatiwa umeme na huduma  nyingine za kijamii.
Kwani  alisema amepata  kupigania  kuona wananchi  wa vijiji 14 vya jimbo la Ludewa ambao walikuwa  gizani kwa muda  wote wa nchi ilipopata uhuru wanapatiwa umeme kabla ya kumaliza kipindi chake  cha kwanza na ubunge na kuwa kamwe hatakubali  kuona mtu yeyote anashiriki kukwamisha ndoto yake  hiyo ya  kuwaletea maendeleo wananchi .
- -


Mhamasishaji kutoka Wizara ya Habari, Vijana, Utamaduni na Michezo Bibi. Ester Riwa katikati akizungumza na Vijana wa Kata ya Selela (hawapo pichani) wakati wa semina ya Ujasiriamali, Ujuzi, Stadi za Maisha na Mfuko wa Maendeleo ya Vijana jana katika Kata ya Selela Halmashauri ya Wilaya ya Monduli Mkoani Arusha. Kushoto ni Mkuu wa Kituo cha Vijana Sasanda Mbeya Bw. Laurean Masele na kulia ni Afisa Maendeleo ya Vijana kutoka Wizara hiyo Bi. Amina Sanga.
Vijana wa Kata ya Selela wakisikiliza kwa makini mada zilizokua zikitolewa wakati wa semina ya Ujasiriamali, Ujuzi, Stadi za Maisha na Mfuko wa Maendeleo ya Vijana jana katika Kata ya Selela Halmashauri ya Wilaya ya Monduli Mkoani Arusha.
Afisa Maendeleo ya Vijana kutoka Halmashauri ya Wilaya ya Monduli Bi. Mesha Singoyo akifafanua jambo kwenye semina ya vijana wa Kata ya Selela kuhusu Ujasiriamali, Ujuzi na Mfuko wa Maendeleo ya Vijana iliyofanyika jana katika Halmashauri ya Wilaya ya Monduli Mkoani Arusha.
Afisa Maendeleo ya Vijana kutoka Wizara ya Habari, Vijana, Utamaduni na Michezo Bi. Amina Sanga (kulia) akizungumza na wanakikundi cha Naisho wanaomiliki mradi wa kunenepesha ng’ombe na kuziuza wakati wa kutembelea miradi ya vijana wa Kata ya Selela Halmashauri ya Wilaya ya Monduli Mkoani Arusha. Wapili kushoto ni mhamasishaji kutoka Wizara hiyo Bibi. Ester Riwa na wanne kushoto ni Mkuu wa Kituo cha Vijana Sasanda Mbeya Bw. Laurean Masele.
Baadhi ya ng’ombe zinazomilikiwa na vijana wa Naisho Group zikiwa machungani katika kata ya Selela Halmashauri ya Wilaya ya Monduli Mkoani Arusha.
Mkuu wa Kituo cha Vijana Sasanda Mbeya Bw. Laurean Masele (wapili kulia) akifafanua jambo walipotembelea mradi wa kikundi cha Songambele kinachojishughulisha na kilimo katika Kata ya Selela Halmashauri ya Wilaya ya Monduli Mkoani Arusha. Kulia ni mhamasishaji kutoka Wizara ya Habari, Vijana, Utamaduni na Michezo Bibi. Ester Riwa.
Moja ya shamba la mahindi linalomilikiwa na kikundi cha Songambele katika kata ya Selela Halmashauri ya Wilaya ya Mondili Mkoani Arusha. Picha na Genofeva Matemu – Maelezo, Monduli.

Na Genofeva Matemu – Maelezo, Monduli

Viongozi wa vikundi vya vijana wametakiwa kuwa waadilifu na wenye kutoa haki sawa katika vikundi vyao bila ya kuhusisha masuala ya udini, ukabila au uanachama wa chama fulani kwani kwa kufanya hivyo watafikia malengo waliyojiwekea katika vikundi vyao.

Kauli hiyo imetolewa na Mkuu wa Kituo cha Vijana Sasanda Mbeya Bw. Laurean Masele wakati wa semina ya vijana wa Kata wa Selela kuhusu Ujasiriamali, Ujuzi, Stadi za Maisha na Mfuko wa Maendeleo ya Vijana jana katika kata Selela Halmashauri ya Wilaya ya Monduli Mkoani Arusha.

Bw. Masele amesema kuwa kiongozi ndie chachu ya maendeleo ya kikundi kama atakua kiongozi bora na mwenye maadili mema, anayejitolea na mwenye kuongoza vijana wenzake kwa haki bila kutumia mabavu ama kuwa na jazba.

“Viongozi wa vikundi vya vijana acheni kutumia fursa mlizonazo kwa maslahi yenu binafsi mnapaswa kuonyesha njia iliyo sahihi kwa wanachama wa vikundi huku mkiwatia moyo wanakikundi kuongeza jitihada kufikia malengo mliyojiwekea bila kujali vikwazo vidogovidogo vinavyoweza kutokea ndani ya vikundi vyenu” amesema Bw. Masele. 

Aidha Diwani wa Kata ya Selela Mhe. Yese Runda ameishukuru serikali kupitia Wizara ya Habari Vijana Utamaduni na Michezo kuwafikika vijana wa Selela na kuwapatia elimu ya ujasiriamali kwani vijana wa kata hiyo wanamuamko mkubwa wa kuleta maendeleo katika kata yao kwa kujihusisha na shughuli mbalimbali za kimaendeleo.

“Nawapongeza vijana wa Kata ya Selela hasa viongozi wa vikundi vya vijana kwa kuhakikisha kuwa mila na desturi za kabila la kimasai haziingiliani na maendeleo yaliyopo katika jamii kwani wakati wa kufanya kazi za maendeleo mila zinawekwa pembeni ili kuleta ubora na ufanisi wa maendeleo yaliyo imara katika kata yetu” amesema Mhe. Runda. 

Nae kijana Meja Nailenya amewataka vijana wenzake nchini kuachana na maneno yasiyokuwa na msingi bali watumie muda wao vizuri kufanya shughuli mbalimbali za kimaendeleo ili waweze kusimama imara na kuacha kuitegemea serikali kwa kila jambo.


Nailenya amesema kuwa Serikali imefanya jitihada kubwa kuhakikisha kuwa huduma muhimu zinaifikia jamii kama vile huduma ya afya na huduma ya maji salama hivyo kuiomba serikali kuendelea kufikisha huduma hizo muhimu kila inapopata nafasi hasa huduma ya barabara ambayo babo ni changamoto katika Kata ya Selela. 
- - -


Muonekano katika duka la Tigo mlimani city ambapo wateja walishuhudia jinsi gani mtandao huu wa kasi wa intaneti unavyofanya kazi kwa kuona matukio laivu kwa kutumia mtandao wa intaneti Kampuni ya simu Tigo Tanzania leo imezindua teknolojia mpya ijulikanayo kama 4G LTE ambayo utaifanya kuwa  mtandao wa intaneti wenye kasi zaidi kuliko yote nchini Tanzania 
wafanyakazi wa tigo ,wageni waaalikwa na wasanii maarufu wa Bongo fleva wakifuatilia matukio yanayoendelea katika uzinduzi wa teknolojia hii ya kasi zaidi ya mtandao wa intaneti ya 4G lte toka kampuni ya tigo


Baadhi ya wamiliki wa mitandao ya kijamii na baadhi ya wafanyakazi wa  Tigo wakiwa katika picha ya Pamoja 

Msanii wa bongo fleva Fid q  akijadili jambo na MC wa hafla hii ya kuzindua intaneti ya kasi kwa teknolojia ya 4g lte 
washereheshaji wa hafla hii ya kuzindua intaneti ya kasi zaidi nchini toka tigo hapa mliman city 
wafanyakazi toka kampuni ya huawei wakipozi katika uzinduzi wa intaneti ya kasi zaidi nchini kwa teknolojia mpya ya 4G lte toka Tigo pekee
Baadhi ya wafanyakazi wa tigo na wageni waaalikwa wakishuhudia uzinduzi wa intaneti ya kasi zaidi nchini kwa kutumia teknolojia mpya ya 4G LTE toka tigo pekee



Mkuu wa uendeshaji na biashara  wa samsung Suleiman mohamed akieleza jambo kwa wafanyakazi jinsi gani wana vifaa vizuri vitakavyoendana na teknolojia mpya ya 4G lte toka tigo



burudani zikiendelea katika uzinduzi huu wa intaneti wa kasi zaidi wa 4G LTE  toka tigo pekee

Mkurungezi mkuu wa TCRA Prof John Nkoma akitoa hotuba pia Alitoa pongezi kwa kampuni ya tigo kwa kufanikisha mawasiliano ya intaneti kwa kasi zaidi pia kuendelea kuwafikia watanzania wengi zaidi pia aliwasihi watanzania kutumia teknolojia ya mawasiliano kwa maendeleo zaidi na kuboresha biashara zao

Waziri wa teknolojia na mawasiliano Mh Prof Makame Mbarawa akitoa hotuba katika hafla ya kuzindua intaneti ya kasi zaidi hapa nchini kwa teknolojia ya 4G lte toka Tigo pekee leo Mlimani city

Msanii wa bongo fleva Richmavoko akitumbuiza huku video yake ikioneshwa laivu kupitia youtube kwa muonekano bora zaidi ( HD ) kutokana na mtandao wa kasi zaidi wa intaneti wa 4G LTE Toka TIgo  Tanzania pekeee

Mkuu wa vifaa na intaneti wa Tigo David Zakaria akieeleza jinsi gani wateja wa intaneti watafurahia matumizi ya intaneti na jinsi walivyojiandaa kuwafikia watanzania wengi zaidi katika mkoa wa dar es salaam na mikoa zaidi ya sita kabla ya mwaka huu kuisha 

wageni waalikwa wakishuhudia jinsi gani mtandao huu wa intaneti ya kasi toka tigo unavyofanya kazi 

Msanii wa bongo fleva vanesa mdee akipata taswiraz "SELFIE" na mmoja wa wafanyakazi wa samsung katika uzinduzi wa intaneti ya kasi zaidi Tanzania leo Mliman city jijini Dar es salaam

Mmoja wa watu waliohudhuria hafla hii ya kuzindua mtandao wa kasi zaidi wa intaneti toka tigo wa 4g lte akipata maelekezo toka kwa mfanyakazi wa tigo jinsi anavyoweza kuijunga na huduma hiyo


Waziri wa teknolojia na mawasiliano mh ,prof Makame Mbarawa akifanya mahojiano na vyombo vya habari baada kuzindua teknolojia ya kasi katika mtandao wa intaneti 4G LTE pembeni ni mkurungezi mkuu wa TCRA Prof John Nkoma
   
Picha zote na   Krantz Mwantepele na Mathias Manyanya   wa Mwanaharakati Mzalendo Media        
- -